حلمت معاكى بقلم محمد عطيه اكوه ديرب نجم شرقيه
انا اللى حلمت معاكى زمان
ونسيت معاكى سنين حرمان
كان فيها الوجع هيمان
ونرمى المر والاحزان
ونتمختر ما نتكبر
دا انا اللى حلمت معاكى زمان
بسنين مافيهاش شقا وحنضل
دوستى على حلم اتبنى زمان
ورجعه دلوقتى تتغندر
فى حبك هوى ونار وعذاب
لكنى خلاص مابقيتش اقدر
ما اللى تعود على الاحزان
يقعد يبكى ويتحسر
دا انا اللى حلمت معاكى زمان
بدنيا جميله ما تتكسر
على الرمله بانيت احلام
خطفها الموج واتجبر
وكان نفسي يرفعها لفوق
لكنه ضحك واتكبر
دا انا اللى حلمت معاكى زمان
بسنين مليانه بالعمبر
ونرمي حزن عيشته زمان
فى نار مجهوله المصدر
دانا اللى حلمت معاكى زمان
بدنيا جميله ماتتكسر
تعليقات
إرسال تعليق