الشاعر سامح هريدي مين يشتري.. صاحب جدع .
مين يشتري..
صاحب جدع .
.عمره ما باع
كان طول حياته بيشتري ..
ويصون ويعرف يعني اية
معنى الصحاب..
صاحب أمين ..
عمره ما خان
أو حتي يوم نَهش اللى غاب ..
في الشدة دايما بتلاقية
بيسد ويشيل الحمول ..
متربي دايماً عـ الاُصول..
تقدر تقول
لقطه بصحيح
واضح.. صريح
عمره ما نافق حد يوم
شيال هموم..
وقت اللزوم بيكون كبير ..
سرك معاه بيكون في بير..
شهم وأمير..
والسعر يعني مش كتير..
مين يشتري..
وميبيعوش
وعشان مصالح ميخونوش
ويكون معاه لو حتي كان يوم ممعاهوش..
صاحب دهب مش قشرة أو غش وفاشوش..
مين يشتري
عشرة سنين
شجرة حنين
ورامية ضل على اللى رايح واللى جاي.
صاحب جدع وضميره حي ..
ومالوهش زي..
صاحب يكون في العتمة ضي..
في الحرب سيف
في القعدة كيف
في البرد بيكون أحلى صيف
من غيره هتكون كالكفيف
صاحب عفيف
مين يشتري؟
وبقد أيه؟
السعر كام؟
ياريت بلاش كتر الكلام
فُتِح المزاد
مين يشتري
صاحب مالوش فى المرقعه
مخلص واخر مجدعه
طيب وسيرته مسمعه
ف كل البلاد..
صاحب يكون في الرحلة زاد
ضد الجدال ضد العناد
تقوله حي على الجهاد
يكون جنود الموقعة..
صاحب دماغه مترقعه
وروحه حلوة مجمعة
لو مره يعني هتشتكي
هتلاقي عينه مدمعه
صاحب حاسيس
نعم الجاليس
مالهوش علاقة بالخبيث
ولا ب الخسيس
شرط الوحيد
للمشتري
لو يعني هتفكر تبيع
بلاش تبيعة بالرخيص
تعليقات
إرسال تعليق