الحكاية بختصار سامح هريدى
الحكاية بختصار إننا علشان جنابك
تبقي ديما في إزدهار..
عندنا أستعداد نكمل
عمرنا كله ف مرار..
في الصخور تصبح خضار..
عندنا استعداد نلون
ليل عذابنا يكون نهار..
إنما ندوخ ع الرغيف
وكل شئ يبقي بطابور..
الفقير ينام خفيف
وهمه ساكنين القصور..
عمرنا يضيع ع الرصيف
حلمنا جوا القبور
يرضي مين ده يا بهية
كله عتمة مفهش نور..
وضعنا ده يرضي مين
كل شئ متعذبين
جوا حضنك لية تملي
نبقي لية متغربين..
لية شبابك شاب يا شابة
لية قتلتي الحلم فينا
مش باقيلنا إلا حبة
ونتنسي ويضيع ماضينا
احنا لما ناديتي لينا
كلنا بالروح فدينا
جينا علي روحنا ومضانا
ع اللي باقي بدمنا
لية بياكلوا حقنا
لية يخونوا عهدنا
لية يقولوا إنك بلدهم
وأنتي أصلا أمنا..
الحكاية بختصار
أحنا شعب وأنتو شعب
أنتوا ليكوا الدنيا دية
وأحنا برضة لينا رب
تعليقات
إرسال تعليق