اْنانية اْحمد صبري

اْنانية
اْحمد صبري
-
الحكاية نصها مليان
ظلم وقسى واْحزان
والباقي مش ْفاضي
مين هيضرب كمان
مع ان مافيش مكان
ولا حتى في قاضي
الكل جلاد والكل مجلود
كله إتخنق حتى الحدود
مركز اْول في الجحود
الرحمة ع العهد الماضي
-
و مش مجرد زوبعة فنجان
ولا بدعة تتنسب ل فلان
دنيا الضمير فيها إنتهى
و الصدق ضايع منها
خلاص هتاكل بعضها
صباها بيتولد دبلان

سلام يا اْهل الكلام بالزور
على اْرض صبحت بور
الخوف بيوحشنا ونشتاقه
وعيون محرومة النور

اْنانية في القلوب بالكوم
ضعف بيذيد كل يوم
قلة الاصل في الدراسة
والوراثة طناش ونوم

اْنانية كل يوم بتذيد
بلطجة قبضتها حديد
حلم ضايع بين وشوش
منقوشة غدر وتجاعيد

اْنانية وياريتني اْناني
كان خيري بقى علشاني
كنت كبرت وإتغيرت
كان زماني واحد تاني