كله حرام بقلمي منتصر عبد رب النبي

* * * كله حرام * * *
كله حرام
كلمه وكل الناس عارفينها
أهلي وناسي وكل حبايبي
من بني زار أهل بلدي
كله حرام هيا كلمه
دايما يقولها شاب جميل
شاب أصيل إسمه ؟
مش راح أقول
ما انتوا أكيد طبعا عارفين
شاف من ظلم الناس كتير
عاش حياه حلوه وجميله
ملهاش مثيل
بس ياخساره مبتدومش
وهوا دا طبع الحياه
مره شمال ومره يمين
عاش حياته في البدايه
زي ما قال الكتاب
كان لما يمشي في الشوارع
يتعمله ألف حساب
وناس كتير ترحب بيه
أهلا يا باشا اتفضل يا بيه
مكنش يعرف إن الأيام
هتقلب وتيجي كده عليه
شوف بقي اللي بيحصل ايه
لما دار بيه الزمان
ناس كتير قلبت وشوشها
ونسيت كل حاجه ليه
معدش له لازمه خلاص
فين المشاعر والإحساس
خلصت مش موجوده خلاص
دور ممكن تلاقيها عند الحيوان
صعب جدا تلاقيها عند الإنسان
إحنا خلاص بقينا ف زمان
المصلحه فوق كل كيان
علي قد ما معاك هتساوي
نقط بطاقيتك لو غاوي
فوقوا يا ناس حرام عليكم
كل حاجه حلوه ضاعت من إيديكم
طهروا قلوبكم ونفوسكم
واتعاملوا مع بعض بأدبكم
متتعاملوش بفلوسكم
مبتدومش
* * * بقلمي
منتصر عبد رب النبي * * *