الفين سند عادل عبدالموجود

الفين سند
..
ولسه برضه باعشقك رغم الخلاف
رغم المسافة الواسعة بنا والاختلاف
فإن كنت فاكرة بانى عايش فى الحياة

ونسيت ملامح ضحكتك والقلب تاه
لا ياحبيبتى الدنيا من غيرك فلاة
باستنى طرح الصبر من ريح الزمن
وعشان خطايا الذنب لازم من تمن
باعيد مشاهد من سيناريو كان ضرورى تتكتب
وكان ضرورى تكون مناسبة للبطل
أو انه لازم يعتزل من وقت فات
ماهو مش مهم يكون أمير
وبيان مزركش للخلايق بالحرير
ماهو دوره كان يادوب سند
كان دور حقير
واكمن دوره فى السيناريو كان يعدى كالخيال
وماكانشى له تأثير كبير
يادوب يفوت عليه السهو يلمس وحدته
فماتقبليش منه الصلاة
والسجدتين مش محتاجاهم فى الحياة
ماهو أدى دوره وحط فيك مش سند ..
ألفين سند
وانا لسه برضه باعشقك
مهما تلمومينى بالقصايد
او تلفينى بمكايد
أو تنصبيلى فى غار جبل او كان هبل
بيعيد زواقك ويا فستان الزفاف
لعريس جديد
مدهون دهب