في النهاية عصام سامى‏.‏

في النهاية

لسة فاكر صدقيني
ياللي حبك جوه قلبي
مالوش مثيل…..
أنتي الحكاية كلها
وأنتى الدليل
أنتى الأمانى الطيبة
فرحة بعيده قريبة
بتداوي في القلب العليل
***
لسة فاكر صدقيني
رغم أحزان المدينة
لسة فاكر كل حاجة
حلوه فينا
لعبنا تحت المطر
دقات قلوبنا لما
بنحس بخطر
ابتسامتنا البريئة
لمعة عيونا وأحنا
بنقول الحقيقة
***
لسة فاكر صدقينى
اللي فات……..
أيوه صحيح كل حاجة إتغيرت
واللي بينا صار مجرد ذكريات
مين السبب.. مش قضية
في النهاية بإختصار
الحلم مات ......