لا ابعدى عادل عبد الموجود

لا ابعدى

زلزلى أرضك خلاص 
شمسك طفت

كونك ماعادشى بينسكن
وآدى الحياة منه اختفت
والروح عشان اتهمشت
راحت بكت
قلبك ساعات بيدق
طلقات الخلاص
طب فين رصاص
الرحمة ينزل كالمطر
والطلق يفلق من الحجر 
قلب الحجر
يملاه ملامح من سقر
سكتنا مش قضبان سفر 
سكتنا مفروشه بخطر 
حتى فى غيطان الانتظار
تستنى طرح المشئمة 
بس بحذر
كان شطرتين العشق 
توأم توأمى
بس اما قلتى هانفترق 
فالحبة جوة الحبة 
واحد وانشطر
يالابسة وش الجليطة
معقودة فوق السفسطة
بقا مش كافيكى المرمطة
والدنيا عندى خيوط عقادها ملغبطة
عماله ليه تتبغددى
ولألف عذر بتسندى
ف ان كان هواكى تبعدى
يالا ابعدى