(سجل غياب ) بقلمي (نعمات عماد)

(سجل غياب ) 
أنا لو هقلب ف اللي فات 
أكيد هصحي الذكريات
وهطلعك مديون بدين 

ماتخلصه لحد الممات 
كل اللي داقه القلب منك 
باين عليه رغم السكات 
هسيب ضميرك يفتكر 
يعيد ويحكي في اللي فات 
وتدوق ندم على حب مات 
جرب وعاني من الغياب 
خلاص مفيش بينا عتاب 
دا مشفش قلبي غير عذاب 
منك هفوق سجل غياب 
غمضت عيني مشيت بجرحي 
بداري دمعي واوهم بفرحي 
دا قربي منك غير ملامحي 
ابكي ودمع عيوني ملح 
ينزل ف قلبي يلهب لي جرح 
وكنت راضيه بالسراب 
وماكنت حطه علي قلبي باب 
وكل همي أراضي قلب 
عنده أهتمامي مالوش حساب 
ديما بتوجع وأنا بقيا ليك 
حب امتلاك وكنت ليك 
متقدمه وكلي خضوع 
اكتر كتير ده كان خشوع 
تبقا النهايه (انك تخون) 
أكيد هكون متمردة 
ورافضه بجنون 
مش ممكن استحمل كده 
اللي افتكرته ف يوم ظنون 
ماخلاص بأيت متأكده 
وجع وصافي والأسم كافي
وأنا خذته منك وبرضا 
دلوقتي بس أقدر أقول 
فك الأسير 
وقت أما يصحي لك ضمير 
وتقوم تدور هتلاقيه 
والله اندفن ومن كتير 
والله اندفن ومن كتييييييير
بقلمي (نعمات عماد)