كتاباتى / الشاعرة الشاعرة سمارة ناجح الحسينى يا ابن بلدى
يا ابن بلدى يا ابن بلدى يا اللى معروف بالشهامة
يا ابن بلدى يا اللى فى جبينك علامة
بتقول عليك إن إنت مـــصـــرى
لمسة جمالك فى لونك الخـمــرى
دى ميزة تتحدى كـــتــيـــر يــامــا
وقت الشقا عرقك بيلمع
يضحك ولا عيونك تدمع
نظرة عنيك بتعدى دُغــرى
من قلب مؤمن دايماً يخشع
ما يميل غير ل اللى له متشرع
يا ابن بلدى دة انت الأصيل
تملىِّ حامل للـجـمــيــــل
طبع المروءة جواك دليل
و الحلم بأخلاقك متطبع
يا ابن بلدى يا اللى زمان
بتحسب الكلمة بـمـيـــزان
و تغير على بنت بـــــلادك
و تروح فداها و لــبــلادك
و دمك الحامى المتحنى
بالجدعنة و الإيــــمـــــــان
و تكون سند ويـا الغلـبـان
كل الصفاتِ دى بقت ماضى ..?
و لا انت لسة بر أمـــان
كتاباتى / الشاعرة الشاعرة سمارة ناجح الحسينى
تعليقات
إرسال تعليق