#شاعر_الغلابة لساك مِتَبِت فى الحياة
لساك مِتَبِت فى الحياةصامد ورافض لإنكسار
عمَّال بتتهجى النهار
فى عتمة الليل الحزين
مليون رصاصة فى جِتتك
ولا قولت أه..
ولا حتى هَمك تعرف
الضربة منين ..
مبيألمكش الجرح
قد ما يتعبك
نظرة شَماته فـ أي عين..
كان مُفترض يعني تواسيك
لكن خسارة للأسف
أول ما تنزل دمعتك
تلقى السعادة في وشهم
أحزان بتطرح جرح فيك..
لساك مصمم ع الوفاء
لناس بتتنفس خيانة
الطيبة عيبة ف شرعهم
وميعرفوش معني الامانة
الخير زرعته فى أرضهم
الطرح كان ذل ومهانه
تعليقات
إرسال تعليق